Ghana vs CAR highlights: Jordan Ayew hattrick seal win for Black Stars for 2026 World Cup qualifier - BBC News Pidgin (2024)

Jordan Ayew score hattrick for im 120th appearance as Ghana beat Central African Republic 4-3 for dia 2026 world cup qualifier for Kumasi.

Issahaku Fatawu score di oda goal as Louis Mafouta also grab hattrick for CAR.

Dis na di first defeat for CAR in five games - wia dis result na di second consecutive win for Ghana afta dia 1-2 win v Mali for Bamako.

Di blackstars begin di game on di front foot wit an early penalty wia Jordan don convert calmly.

But di wild beasts of CAR don respond wit dia striker Lousi Mafouta as im capitalize on some poor defending by di blackstars to score two goals.

Im later score incredible freekick late into di game but CAR neva fit gran di equalizer.

Wit dis win, Ghana don move to di top of di table wit 9 points from four games.

Madagascar don dey second wit 6 points from three games., same as Comoros wia also play 3 games.

Mali dey fourth wit 4 points from three games and CAR get 4 points from four games.

Chad remain bottom wit zero points from three games.

Di win for di blackstars for Kumasi mean say dem now play 24 games wia dem win 18, wit 6 draws.

Ghana v CAR Match highlights

Second Half

Fulltime!

Dat be di last action of di game as referee don blow for di end of di game.

95" CHANCE! Ghana get chance to break from dat CAR freekick - but Traique Lamptey di defender hit im shot wide under no pressure.

94" CAR don win anoda freekick for di blackstars area.

94" Di freekick dey on target but Ati-Zigi fist di ball away. Danger for Ghana as more pressure dey dia top.

93" CAR wit anoda freekick afta Djiku hack down di attacker. Dis one dey far out but you neva sabi.

92" Dat goal don shock di blackstars as dem now dey try to hold on to di ball to buy time.

6 mins of added on time to play

90" CAR dey try to put pressure to grab equalizer for dis game.

89" GOOOOALLL! Louis Mafouta score direct from di freekick. Hattrick for di Amiens striker.

4-3

88" Alexander Djiku give away freekick just in front of di blackstars box. chance for CAR.

87" Ghana dey make anoda change wit Westbrom striker Brandon Thomas-Asante. Di striker dey make im Ghana debut - im dey replace Mohammed Kudus.

85" Isaac Solet don give away freekick for di blackstars area as dem try to put pressure to grab a goal. From di take, Ghana drive towards goal, Gideon Mensah cross into di box but sem*nyo no fit to control di ball.

84" Corner to CAR. But goalkeeper Ati-Zigi don save di ball comfortably.

83" Flory Yangao wey now dey wear di captain's armband afta Kondogbia don commot win freekick inside di middle of di pack.

82" CAR want a penalty afta Solet don fall inisde di box but referee say no pen.

81" CAR don win freekick in front of di Ghana area. Kudus wey commit dat foul. Dem take di freekick thru Solet but di blackstars clear dia lines.

78" Gideon Mensah don clear one long ball from im area as CAR try to create sometin.

Tarique Lamptey shepherd di ball for goalkick fromn di subsequent throw-in.

77" Ghana break again wit sem*nyo but im cross intop di box for Kudus neva reach di Westham man.

76" Game don restart afta di subs. CAR dey under pressure to turn dis 2-4 score around wit only 14 minutes to go.

73" Anoda sub for Ghana. Tarique Lamptey dey come inside to replace Salisu Mohammed wia hattrick hero Jordan Ayew commot for Elisha Owusu. Fatawu Issahaku also don commot.

CAR also do one sub wit Namnganda exiting di pitch.

72" CHANCE! Mohammed Salisu try to connect wit a cross into di CAR area but di effort go wide.

71" Ghana don dey pile more pressure as di fans in di stadium dey roar to every pass by di blackstars.

68" GOAL! Ghana don grab anoda goal. Hattrick for Jordan Ayew on im 120th cap for Ghana. Kudus don strike di ball, but di keeper save am. Di crystal Palace striker don get di final touch.

4-2

67" CAR don make dia own substitution.

65" Two players - Youga and Djiku dey for ground inside di middle of di park afta dem clash. Referee call for di medical team.

63" Ghana don make first substitution wit Bournemouth striker Antoine sem*nyo as im replace Kamaldeen Sulemana.

62" GOAL! Fataw Issahaku im shot defelct past di goalkeeper into di net. Ghana lead 3-2

61" Afta di restart, more pressure from di blackstars.

59" GOAL! Jordan Ayew head di ball into di net from one fine Gideon Mensah cross.

2-2

58" Fataw and Kudus don combine for di far left of di CAR area, but Kudus im shot be weak. No trouble for di keeper.

56" CAR don dey pile pressure for di Ghana backline wey make dem dey clear dia lines desperately.

55" Baboula from CAR dey shout for penalty inside di Ghana box afta Kamaldeen hack am down, but referee say mo penalty.

54" CHANCE! Kudus carry di ball wia im drive at di CAR defense bifor laying a pass for Kamaldeen but di keeper don save im weak shot.

53" Salis don win freekick from far out - di left side of di CAR area. Kudus strike am, but Gideon Mensah im touch carry di ball wide.

52" Jordan Ayew hold on to di ball for too long dey dance around, las las im lose possession but CAR no fit to capitalize.

49" CHANCE! CAR defender clear one desperate ball, but afta di throw in, Ghana enta di box wit a fine chance BUT Kamaldeen smash di ball wide wen im for hit di target.

48" First few miniutes afta di break dey scrappy. None of di two teams settle.

47" Di blackstars dey rush for di CAR penalty area whenever dem carry di ball reach dat side - na so dem miss all di early chances.

46" Kudus play one ball ova di top to Kamaldeen, im first touch na poor, but im recover to take a weak shot wia di keeper don catch.

45" Thomas Partey don dey ginger im boys for di second half. Ghana don begin di second half but dem lose possession inside di midfield.

45" Di players don emerge for di second half of di game. Ghana coach Otto go hope say im halftime team tok go reflect for pitch.

But for CAR coach Savoy, im team gatz to keep di pressure and possibly get some more goals.

First Half

Halftime

Referee don blow whistle for halftime Ghana 1 - 2 CAR

45" Dem add 2 minutes for di first half

45" CAR tink say dem score dia third goal, wit anoda thru ball wey cut di defense but di linesman don raise flag

43" Namnganda from CAR drive into di ghana box agaion afta anoda lose ball from di blackstars, but im final shot na terrible.

42" Dat goal don shock di blacstars as all di defenders fail to clear di ball. Thomas Partey di captain don vex.

39" GOAL! CAR score through dia star striker Mafouta. Di striker collect one ball wey im beattwo defenders and scramble di ball under di goalkeeper.

1-2

38" Samed Salis don strike anoda shot into row Z! Kamaldeen try for di flanks wey im cutback to di midfielder, but im shot fly ova.

36" Ghana dey try anoda attack, from Sulemana to Kudus but di Westham man im pass into Jordan don reach di opponent. CAR begin to counter but Kondogbia im cross neva find im teammate.

33" Di last few minutes of di game don calm down

Ghana wit 5 goal attamepts and CAR wit 3 attempts so far.

31" CHANCE! Kamaldeen sulemana don drive into di CAR area wit pace but im shot go wide.

28" CAR win throw ball inside di blackstars area, but dem lose di ball to Ghana wey Ghana win throw. Di CAR captain Kondogbia don dey ground dey scream say im hurt. Referee don pause di game for medical attention.

25" Blackstars dey try sustain some pressure inside di CAR area, but afta two throw ins, di ball don end up for a CAR defender wia im clear am.

23" Namganda and mafouta dey cause wahala for di blackstars defense.

22" CAR dey create chances for diaserf. Dem beat di Ghana backline again but di striker blast wide afta im dance inside di box.

21" Kudus fly di freekick into di area, but Salisu im header go wide. Di Monaco defender dey shout for penalty say dem pull im shirt.

20" Seconds afta im blast wide, Jordan win freekick for di left side of di CAR are, few yards from di penalty box.

18" OVER! Jordan Ayew don blast one shot way off target from distance afta Fataw and Gideon Mensah combine for di right wing.

16" CHANCE for CAR. Poor backpass from Djiku nearly make di wild beasts get goal opportunit, but Ati-Zigi clear am for corner. Di blackstars don clear di eventual ball

15" Ghana win throw afta Kudus try to evade im marker around di middle of di park.

14" OFFSIDE! Linesman don raise flag for Jordan as im try to beat di CAR backline

11" GOAL! CAR equalize. Mafouta beat di defensive line afta one ball ova di top. Im take a touch wit im face and strike di ball into di net.

1-1

9" Di balckstars launch anoda attack wit Fataw Issahaku. Im pass di ball to Kudus but im weak shot afta jordan don cut di ball back dey weak.

8" Di last two minutes don dey scrappy as both teams try to create sometin.

7" CAR try to create sometin afta going down by dat goal, but Mafouta stumble inside di box wey di chance don vanish.

5" GOAL! Jordan Ayew send di keeper di wrong way and Ghanaq lead 1-0

3" PENALTY! Ghana don win penalty as di defender hack Fataw Issahaku down. Jordan go take am

2" Both teams dey try to settle for di early exchanges.

1" From di start Ghana don begin to attack wit Jordan on di far right of di CAR area wia im win freekick. Thomas partey don dey stand by dis free-kick but Mo Kudus take am.

1"

Game don start

Line-ups

Ghana: Ati-Zigi (GK); Lamptey, Djiku, Salisu, Mensah, Owusu, Partey, Nuamah, Kudus, Jordan, sem*nyo

CAR: Youfeigane (GK); Ndobe, Yangao, Niamthe, Guinari, Youga, Toropite, Pirioua, Namnganda, Mafouta, Manzoki